Etter å ha trent ei stund utan noko særleg kyndig veiledning dukka det opp ein moglegheit til å få eit treningsopplegg med ei av verdas beste kvinnelege fridykkarar. Ho heiter Kathryn McPhee og held til på New Zealand. No er det dynamisk utan finner (DNF) eg er mest interessert i og difor er det lovande å bli trent av ei som har verdsrekorden i DNF. Sidan ho bur på andre sida av jordkloden vert dette eit opplegg som går via INTERNETTET!! Me har bl.a videosamtalar på skype ein gong i veka og så lastar eg opp videoar frå treningar som ho kan gje tilbakemeldingar på. Sidan eg aldri har helde på aktivt med svømming eller gått på kurs reknar eg med at ho kan hjelpa meg mykje med å forbedra teknikken min.
Mi første oppgave frå Kathryn var å gjera eit maksimumsforsøk utan oppvarming. Dette grua eg meg til. Når ein utelet oppvarminga vert dykket som regel endå meir ubehageleg enn det vanlegvis er. Eg hadde mine tvil denne gangen sidan eg berre har vore i basseng ein gang på 5 veker. Likevel så gjekk det over alle forventningar. Min gamle uoffisielle rekord frå trening var på 160m. Denne vart forbedra til 176m på mandag. Her er videoen frå Youtube:
3 kommentarer:
Veldig flott Bjarte, må jeg si! Lykke til videre.
R/
Jeg skjønnte ikke helt det der med at du "har trena en stund uten kyndig veiledning" :-)
Ville bare sei at du er heldig som får veiledning av Kathryn. Ho er utrulig dyktig, og lærte meg masse. Det er bare synd ho bur så langt vekk.
Maria Hovden
Legg inn en kommentar